رۆچ شُت ءُ ماہ شُت اَنت
مُہکَمێں سال شُت اَنت!
پُلّێں اِمرۆز نَشُت!
مئے گَل ءُ بال شُت اَنت
مُہکَمێں سال شُت اَنت!
پُلّێں اِمرۆز نَشُت!
مئے گَل ءُ بال شُت اَنت
تْرۆنگَلێں اَرساں نَگوَرت
دِل شِپێں تیراں نَسُپت
گۆرَگێں کُلّ ءِ وَڈالاں
مئے سَر ءُ مال شُت اَنت
دِل شِپێں تیراں نَسُپت
گۆرَگێں کُلّ ءِ وَڈالاں
مئے سَر ءُ مال شُت اَنت
مَجلِس ءُ دَور بَلۆچیگ
شیرکِنێں گَپّ ءُ ھَبَر
جَلَّک ءُ چَہر ءُ گِداں
گْوَپتَگێں شال شُت اَنت
شیرکِنێں گَپّ ءُ ھَبَر
جَلَّک ءُ چَہر ءُ گِداں
گْوَپتَگێں شال شُت اَنت
چاکَر ءِ زۆر ءُ تَیاری
ھانُل ءِ ھیسکارَگ
رَند چَہ شَیہا اِے جَہاں
مِہر ءِ پَہوال شُت اَنت
ھانُل ءِ ھیسکارَگ
رَند چَہ شَیہا اِے جَہاں
مِہر ءِ پَہوال شُت اَنت
اِزَّت ءُ جام شُت اَنت
شُت اَسیلێں پازُل
لَبز ءُ گُپتار ءُ بَیاں
گال ءُ سَرگال شُت اَنت
شُت اَسیلێں پازُل
لَبز ءُ گُپتار ءُ بَیاں
گال ءُ سَرگال شُت اَنت
گِند ءُ نِند دۆستی ءُ بْراتی
ھۆری ءُ ھۆرێں تِپاک
شَکَّلێں دْرۆت ءُ سَلام
ھال ءُ اِہوال شُت اَنت
ھۆری ءُ ھۆرێں تِپاک
شَکَّلێں دْرۆت ءُ سَلام
ھال ءُ اِہوال شُت اَنت
گُلامُسێں شۆہاز