<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
ھَمُک بے گاہ پَر مَن سْیاہ ءُ تامۆرێں جُڈے بَندیت
تَہارماہی دِگِہ سازے پہ بَہت ءِ سْیاہی ءَ کَندیت
<!-- /وپ:پَرَگرَپہ -->
<!-- وپ:پَرَگرَپہ -->
دِل ءُ چَمّان ءَ چێر گێجاں مَن ءَ سۆجے بِدئے ھَمبَل
کہ دیوان ءَ پَریانی مَنی ھانُل کُج ءَ نِندیت
<!-- /وپ:پَرَگرَپہ -->
<!-- وپ:پَرَگرَپہ -->
پہ دَرَہباتاں اَمُلّ ءَ پَسَّوے داتَگ گْوَش ئے زاناں
کہ ھِنّیرَتکَگێں دَستاں گۆں، بَنداں چَہ دِل ءَ سِندیت
<!-- /وپ:پَرَگرَپہ -->
<!-- وپ:پَرَگرَپہ -->
مَن رێپاں کہ مَنی اوپّارگانی دُوتّ ءُ پاہار اَنت
اگں گُل گۆں تِلاہێں شَکّ ءَ مَلگۆراں وَتی رَندیت
<!-- /وپ:پَرَگرَپہ -->
<!-- وپ:پَرَگرَپہ -->
نَچاراں ھانُل ءَ تُرسا کہ بَلکێں واہَگُن کَمّ بیت
مَن چۆ زاناناں کہ پَجّاہ ھَم نَیاریت اِنت اَگاں گِندیت
<!-- /وپ:پَرَگرَپہ -->
<!-- وپ:پَرَگرَپہ -->
سَیَد وَشّ آں کہ دِل اَندۆہ ءُ رَنجانی دَوارجاہ اِنت
ھَمُک شَپ یَکّ گَمے نُکێں مَنی کُلّ ءِ سَر ءَ گْرَندیت
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
<!-- /وپ:پَرَگرَپہ -->
<!-- وپ:پَرَگرَپہ -->
کَلاکۆٹ، کَراچی
رۆچ ءِ دو اَدار
30 مَئی 1953
<!-- /وپ:پَرَگرَپہ -->
Sayad Háshomi